दार्चुला असोज १८ । यहि असोज २० गतेदेखि २३ गतेसम्म सुदूरपश्चिम प्रदेश खेलकुद परिषदद्धारा आयोजना हुने खुल्ला पुरुष भलिबल प्रतियोगितामा दार्चुलाबाट सहभागि हुने भलिबल टिमका खेलाडीहरुको सोमवार बिदाइ गरिएको छ । क्षेत्रीय टिमका लागि छनोट भएका खेलाडीहरुलाई शुभकामनासहित विदाइ गरिएको जिल्ला खेलकुद विकास समिति दार्चुलाका अध्यक्ष उमेश जोशीले जानकारी दिए ।
भलिबलको क्षेत्रीय प्रतियोगिताका लागि दार्चुलाबाट छनोट भएका खेलाडीहरुमा नवराज सिह धामी शैल्यशिखर, अंगतसिह ठगुन्ना मार्मा, सुरज लुहार महाकाली, दिलेन्द्रप्रसाद भट्ट व्यास, बलदेब सिह धामी मालिकार्जुन, उमेश धामी व्यास, नविन पाल शैल्यशिखर, पुष्कर ठगुन्ना नौगाड, देबेन्द्र ठगुन्ना नौगाड, जनक साउद शैल्यशिखर बैकल्पीक, उमेश कार्की महाकाली बैकल्पीक, हरिश कुवँर दुहुँ बैकल्पीक रहेका छन् । सफलताको शुभकामना सहित महाकाली नगरपालिकाबाट भलिबल खेलाडीको बिदाइ गरिएको जिल्ला खेलकुद विकास समिति दार्चुलाले जनाएको छ ।
प्रतिक्रिया
सम्बन्धित खवर
