दार्चुला कात्तिक ११ । जिल्लाको ब्याँस गाउँपालिका १ छाङरुमा स्काई फोनको सेवा सुचारु भएको छ । गत भदौ महिना वाट अवरुद्ध भएको स्काई सेवा विहिवार वाट संचालनमा आएको नेपाल टेलिकम दार्चुलाले जनाएको छ ।
हिमपातका कारण सोलार प्यानल टुटेको र टावरमा जडित स्काई फोन सम्वन्धिको रेडियो उपकरणहरुमा आएको समस्याका कारण वन्द रहेको थियो ।
वुधवार भारतको वाटो भएर टेलीकम प्रमुख लगायतको टोली छाङरुमा गएर टावरमा स्काई फोन सम्वन्धि उपकरण र सोलार प्यानल जडान गरेपछि फोन सेवा संचालनमा आएको टेलिकम दार्चुलाले जनाएको छ । गत असोजमा ब्याँसमा खाद्यन्न ढुवानी गर्ने सिम्रिक एयरको हेलीकप्टर वाट सोलार प्यानल ढुवानी भएका थियो ।
प्रतिक्रिया
सम्बन्धित खवर
