धनगढी – नेपाली चलचित्र ‘आउट ल: दफा २१९’ फागुन २९ गते (मार्च १३, २०२५) देखि प्रदर्शनमा आएको छ। उक्त चलचित्रले दर्शकहरूबाट सकारात्मक प्रतिक्रिया प्राप्त गर्दै समाजमा भएका घटनाहरूलाई प्रभावकारी रूपमा प्रस्तुत गरेको छ।

चलचित्र हिजो धनगढीमा रहेको एसटीएस सिनेमा हलमा प्रदर्शनमा रहेको थियो जसमा दर्शकहरूको उत्साहजनक सहभागिता रहेको थियो। धनगढीमा उक्त चलचित्र हेर्न पुगेका दर्शकहरूले यो चलचित्रले समाजमा रहेको राजनीतिक दलहरूको दबावलाई स्पष्ट रुपमा खुलासा गरेको र त्यसको बारेमा सशक्त रुपमा बोल्न चलचित्रको माध्यमबाट आह्वान गरेकोले यो चलचित्र उत्कृष्ट रहेको व्यक्त गरेका थिए।

चलचित्रले प्रदर्शनको पहिलो दिनदेखि नै दर्शकहरूको मन जित्न सफल भएको छ। विशेषगरी, चलचित्रमा प्रस्तुत गरिएको एक्सन दृश्यहरूको प्रशंसा गरिएको छ। नायक सुशील श्रेष्ठले जोखिमपूर्ण एक्सन दृश्यहरूमा आफ्नो प्रतिभा देखाएका छन्, जसमा उनले शरीरमा आगो लगाएर अभिनय गरेका छन्। निर्माणपक्षका अनुसार, चलचित्रमा करिब ५० मिनेटको एक्सन दृश्यहरू समावेश छन्, जसलाई हलिउड र कोरियन शैलीमा कोरियोग्राफी गरिएको छ।

धनगढीका दर्शकहरूले दर्शकहरूले चलचित्रको कथा, निर्देशन, र कलाकारहरूको अभिनयको पनि प्रशंसा गरेका छन्। चलचित्रले समाजमा भएका घटनाहरूलाई यथार्थपरक रूपमा प्रस्तुत गरेको भन्दै सकारात्मक प्रतिक्रिया दिएका छन्।

‘आउट ल: दफा २१९’ ले समाजमा भएका विभिन्न घटनाहरूलाई चलचित्रको माध्यमबाट प्रस्तुत गरेको छ। चलचित्रको नामले कुनै फौजदारी मुद्दाको फन्दामा फसेको व्यक्ति लाई राजनीतिक दलहरूले बचाउन खोजेको कुराको प्रस्तुति देखाइएको छ। यसले समाजमा हुने कानुनी प्रक्रियाहरू र न्याय प्रणालीमा राजनीतिक दलहरूले कसरी प्रभावित पार्छन् भन्ने यथार्थपरक चित्रण गरेको देखिन्छ।

चलचित्रले समाजमा भएका अन्याय, अपराध, र तिनको प्रभावलाई पनि उजागर गरेको छ। यसले दर्शकहरूलाई समाजमा भएका घटनाहरूप्रति सचेत गराउँदै न्यायको महत्वबारे सोच्न प्रेरित गरेको छ।

‘आउट ल: दफा २१९’ ले दर्शकहरूबाट सकारात्मक प्रतिक्रिया प्राप्त गर्दै समाजमा भएका घटनाहरूलाई प्रभावकारी रूपमा प्रस्तुत गरेको छ। चलचित्रको उत्कृष्ट एक्सन दृश्यहरू, कलाकारहरूको सशक्त अभिनय, र यथार्थपरक कथाले नेपाली चलचित्र उद्योगमा नयाँ मापदण्ड स्थापित गरेको छ। यसले आगामी दिनहरूमा पनि दर्शकहरूको मन जित्ने अपेक्षा गरिएको छ। धनगढीमा लागेको हिजो बेलुका ८ बजेको शोमा समेत दर्शकहरू हाउसफुलको अवस्थामा रहेका थिए।

तल हेर्नुहोस् दर्शकहरूको प्रतिक्रिया