दार्चुला भाद्र ०१ । भारतबाट अवैध रुपमा चोरी निकासी गरी नेपाल ल्याइएको ८ पेटी बिडी बेबारिसे अवस्थामा शैल्यशिखर नगरपालिकाको चौतलीचौरमा प्रहरीले फेला पारेको छ । चौलतीचौरमा राखेको अवस्थामा बिडी जस्तै देखिने बस्तु भएको प्रहरीलाई खबर आएपछि मालिकार्जुन प्रहरी चौकीको प्रहरी टोली दुई लाख २४ हजार बराबरको बिडी फेला पारेको जिल्ला प्रहरी कार्यालय दार्चुलाले जानकारी दिएको छ । जिल्ला प्रहरी कार्यालयका अनुसार प्रहरीले फेला पारेको बिडी भन्सार कार्यालय दार्चुलालाई बुझाइएको दार्चुलाका प्रहरीका डिएसपी मनोहरप्रसाद भट्टले बताउनुभयो । भारतबाट महाकाली नदी तारेर ल्याएका विभिन्न प्रकार सामानहरु पनि पटक–पटक प्रहरीले समात्दै आएको छ ।
प्रतिक्रिया
सम्बन्धित खवर
