दार्चुला । भारतले अतिक्रमण गरेको नेपाली भूमि कालापानीको मुनि तीन दिवंगत नेताहरुको सालिक निर्माण गरिएको छ । सुदुरपश्चिम सरकारको आर्थिक सहयोगमा दार्चुलामा भारतीय विस्तारवादविरुद्ध पहिलोपटक आवाज उठाउने तीन जना दिवंगत नेताको सालिक निर्माण गरिएको हो ।
जिल्लाको व्याँस गाउँपालिका–१, छाङरुको गागाबगरमा पूर्ववन सहायकमन्त्री बहादुरसिंह ऐतवाल, स्वर्गिय राष्ट्रवादी नेता प्रेमसिंह धामी र संविधानसभा सदस्य गोपाल सिह बोहराको सालिक निर्माण गरिएको प्रेमसिह धामी स्मृति प्रतिष्ठानका अध्यक्ष किसन सिह धामीले वताए । सुदुरपश्चिम उद्योग पर्यटन वन तथा वातावरण मन्त्रि मान बहादुर धामीको बिषेश पहलमा सालिक निर्माण गरिएको प्रतिष्ठानले जनाएको छ ।
सुदुरपश्चिम उद्योग पर्यटन वन तथा वातावरण मन्त्रालयको ५ लाख रुपैयामा सालिक निर्माण गरिएको हो । व्याँस गाउँपालिकाअन्तर्गत पर्ने कालापानी, लिपुलेक, लिम्पियाधुरा भारतीय सेनाको कब्जामा रहेको छ। भारतले अतिक्रमण गरेको यी भूभाग समेटेर नेपालले चुच्चे नक्सा जारी गरे पनि अझै अतिक्रमित भूभाग फिर्ता ल्याउन सकेको छैन।