कैलाली । कैलालीको चुरे गाउँपालिका ५ भासु भीर क्षेत्र मन्दिर नजिकै भएको मोटरसाइकल दुर्घटनामा चालकको मृत्यु भएको छ।
शुक्रवार साँझ से ६ प ८७२१ नम्बरको मोटरसाइकल दुर्घटना हुँदा चालक डोटीको जोरायल गाउँपालिका वडा नम्बर १ बस्ने १९ वर्षीय भीमबहादुर बिक घाइते भएका थिए ।
दुर्घटनामा गम्भीर घाइते भएका भीमको उपचारका लागि पदमा अस्पताल अत्तरियामा उपचार हुन नसकेपछि निसर्ग अस्पताल धनगढीमा लगिएको थियो । उनको उपचारकै क्रममा मृत्यु भएको प्रहरी नायव उपरीक्षक कुलदिप चन्दले बताए ।
साथै दुर्घटनामा घाइते भएका मोटरसाइकल पछाडि सवार सोही ठाउँका ४५ वर्षीय ओम प्रकाश सुनारको अहिले निसर्ग अस्पताल धनगढीमा उपचार भइरहेको छ। उनको अवस्था अहिले सामान्य रहेको प्रहरीले जनाएको छ ।
पहाडतर्फ जाँदै गरेको मोटरसाइकल अनियन्त्रित भई अन्दाजी ५० मिटर तल भिरमा खसेको जिल्ला प्रहरी कार्यालय कैलालीले जनाएको छ ।
प्रतिक्रिया
सम्बन्धित खवर
