दार्चुला असोज १६ । जिल्लाको मालिकार्जुन गाउँपालिका–७ डिन्सीबाट बेवारिशे अवस्थाको चुरोट बरामद गरेको छ । नेपालबाट कर छली गरेर अवैध रुपमा भारत निकासी गर्न लागिएको ६ कार्टुन चुरोट सशस्त्र प्रहरीले बरामद गरेको हो ।
सशस्त्र प्रहरी बल नेपाल ४४ नम्बर गण हेडक्वाटर अन्तर्गतको लाली र जौलजिवी बीओपीबाट खटिएको शसस्त्र प्रहरीको संयुक्त टोलीले चुरोट बरामद गरेको होे । अवैध रुपमा नेपालबाट भारत लगिरहेको १ लाख ६४ हजार मूल्य बराबरको चुरोट बरामद गरिएको हेडक्वाटरले जनाएको छ ।
तस्करहरुले रातीको समयमा महाकाली नदी हुदै भारत निकासी गरिरहेका चुरोटका कार्टुनहरु सशस्त्र प्रहरी देखेपछि छोडेर भागेको बताइएको छ । बरामद सामान आवश्यक कारवाहीका लागि दार्चुला भन्सार कार्यालयमा बुझाइएको छ ।
प्रतिक्रिया
सम्बन्धित खवर
