तिमिलाई पनि एकदिन प्यारको लत होला
जिन्दगी बेला बेला दुखिरहने आदत होला ।।
मेरो असफलतामा को को हाँसे हेरेको छु
मेरो सफलतामा त दुनियाँ सहमत होला।।
राम्रो कामको नराम्रो परिणाम आउन सक्छ
मुर्खको इज्जत गर्दा आफ्नै बेइज्जत होला।।
समथल आउदैमा छोडेर हिड्नु भएको छ
फेरि उकालो आउदा लौरोको जरुरत होला ।।
समयले सबै कुरा ,सधैं एउटै रहन दिन्न
एक दिन आँसुको रंग पनि रातो रगत होला।।
✍️सावित्री स्वप्रिल
