दार्चुला :   आसन्न स्थानीय तहको निर्वाचनलाई मध्यनजर गर्दै नेपाली काँग्रेसले महाकाली नगरपालिकामा चुनावी गतिविधिलाई तीव्र बनाएको छ । महाकाली नगरपालिकाका प्रमुख एंव नेपाली काँग्रेस दार्चुलाका कोषाध्यक्ष हंसराज भट्ट नेतृृत्वमा काँग्रेसबाट निर्वाचित पदाधिकारी तथा वडा कार्यसमितिका पदाधिकारीसहितको टोली अहिले नगरपालिकाका विभिन्न वडामा भेटघाट तथा अन्तक्र्रिया कार्यक्रम गरिरहेको छ । सोमबार महाकाली नगरपालिका वडा नम्बर ६ मा स्थानीयहरु सँग भेटघाट गरिएको नेपाली काँग्रेस महाकाली नगरपालिका सभापति चन्द्र सिंह विष्टले जानकारी दिए ।

आइतबार मात्रै वडा नम्बर ८ का स्थानीयहरु सँगको भेटघाटपछि धौकोटमा भेला आयोजना गरिएको उहाले बताउनुभयो । आसन्न निर्वाचनमा महाकाली नगरपालिकामा नेपाली काँग्रेसले पूर्ण रुपमा विजय प्राप्त गर्ने गरी तयारी गरिरहेको महाकाली नगरपालिकाका प्रमुख एवं नेपाली काँग्रेस जिल्ला कार्य समिति कोषाध्यक्ष हंसराज भट्टले बताउनुभयो ।

यसअघि नेपाली काँग्रेस जिल्ला कार्य समितिले आफ्नो चुनावी कार्यक्रमअन्तर्गत फागुन ७ गतेदेखि पालिकामा कार्यक्रम गरिरहेका छन् । जसअन्तर्गत फागुन १८ गते व्याँस गाउँपालिका, फागुन २१ गते दुहुँ गाउँपालिका, २० गते महाकाली नगरपालिका र फागुन २४ गते नौगाड गाउँपालिकामा भेला आयोजना गरिने काँग्रेसले जनाएको छ ।Dfm

प्रतिक्रिया

सम्बन्धित खवर

ताजा समाचार

लोकप्रिय