दार्चुला– गोकुलेश्वरदेखि चौपातासम्मको यात्राका लागि जिल्ला सार्वजनिक यातायात व्यवसाय विकास समितिले रु. ३५० भाडा दर तोकेको छ। तर, केही सवारी साधनले यात्रुहरूसँग रु. ४०० असुल्ने गरेको यात्रु रेबाधर जोशीले गुनासो गरेका छन्।
जोशीले भने, “मैले आफैं गोकुलेश्वरदेखि चौपातासम्मको यात्रामा तोकिएको भन्दा बढी भाडा तिर्नुपरेको छ। यस्ता घटनाले यात्रुहरूलाई आर्थिक बोझ मात्र होइन, यातायात व्यवस्थापनमा पनि अविश्वास पैदा गराएको छ।”
दस्तावेज अनुसार, सबै सार्वजनिक सवारी साधनले तोकिएको भाडादर पालना गर्नुपर्ने प्रावधान भए पनि व्यवहारमा यसको कार्यान्वयन कमजोर देखिएको छ।
यात्रुहरूको गुनासो सम्बोधन गर्न सम्बन्धित निकायले तुरुन्तै अनुगमन गरी उचित कारबाही गर्नुपर्ने माग गरिएको छ। यस प्रकारको भाडा असुलीले आम नागरिकको यातायात प्रयोगमा नकारात्मक प्रभाव पार्ने र आर्थिक रूपमा मर्कामा पार्ने जोशीले बताए।
सम्बन्धित निकायले तोकिएको दरमा यात्रु सेवाहरू सुनिश्चित गर्न चाँडो कदम चाल्ने अपेक्षा गरिएको छ।
