बाबाको छायामा कविता
बाबा, तपाईंको छायामा
छैन कुनै डर र चिन्ता
तपाईंको मुस्कानमा
लुकेका छन् हजारौं खुशी।
कठिन यात्रामा
तपाईंको साथ र माया
दिएको छ प्रेरणा
जीन्दगीलाई उज्ज्वल बनाउन।
तपाईंको पसिनाको थोपा
बनेको छ हाम्रो भविष्यको जग
तपाईंको त्याग र बलिदान
अमूल्य छ, अतुलनीय छ।
बाबा, तपाईं हुनुहुन्छ
अँधेरोमा जूनको प्रकाश
धर्तीमा अटल पहाड
र हरपलको सहारा।
सपनाहरूलाई पूरा गर्न
तपाईंले दिनुभयो हिम्मत
आशीर्वाद स्वरूप
तपाईंको मायाको वर्षा।
बाबा, तपाईंप्रति
यो मनबाट नमन
सधैं रहोस तपाईंको साथ
यो प्रार्थना छ मेरो हृदयबाट।
कवि मनिषा धामी मालिकार्जुन माध्यमिक विद्यालय दार्चुलामा अध्ययन गर्दै।
